Pare chi t’ses… (unpublished)

Pare, i son sì a vardé la lun-a,
carëssand tuti j’arcòrd pì lontan.
La pas social a l’é ben lontan-a,
tra paròle ch’a mai arposëran.

Pare, i sërco na frisa d’armonìa
con fiusa, për ësmorté le scurità.
Costa època sbiavà a l’é sfinìa,
tròp anflà da la nòsta mentalità.

Pare, për artrové na bona rason
bzògna recoperé l’ essensialità.
La fòrsa a l’é drinta j’ emossion,
ma Pare, i soma sensa fraternità.

Ora ch’it ses ant un gieu ‘d nivole,
arsona tut lòn ch’it l’avìe mostrame.
Pare, ch’it ses tra la fòrsa dle stèile,
fame ‘ncontré la pas sensa lerme.

(Padre, che sei… «Papà, sono qui a guardare la luna / accarezzando tutti i ricordi più lontani. / La pace sociale è ben lontana / tra parole che mai riposeranno. // Papà, cerco una briciola d’armonia / con fiducia, per spegnere le oscurità. / Questa epoca sbiadita è sfinita / troppo sporcata dalla nostra mentalità. // Papà, per ritrovare una buona ragione / bisogna recuperare l’essenzialità./ La forza è dentro le emozioni, / ma Papà, siamo senza fraternità. // Ora che sei in un gioco di nuvole / risuona tutto quello che mi avevi insegnato. / Papà, che sei tra la forza delle stelle, / fammi incontrare la pace senza lacrime.»)